НОВИ САД – На основи одлуки Церковного одбору нашей грекокатолїцкей церкви у Новим Садзе, вчера, 16. новембра, орезана коруна двацецметерового целтису у парохийним дворе.
Як гварела инженєрка-оперативка у „Городским желєнїдлу” Радмила Бранкович, древо целтис може жиц и вецей як сто роки, а тото у дворе порти нашей цедркви ма вецей як 70 роки и здраве є. Мало лєм даскельо сухи конари, а на тот завод му орезана єдна трецина коруни хтора завадзала бивательом у сушедним будинку.
Будзе орезана и сушедна лїпу у дворе, чия ше коруна розширела и на улїцу, хтора ма можебуц 50 роки, алє и вона здрава.