НОВИ САД – Прешлого пиятку, 20. марца, у Руским Културним Центре (РКЦ) у Новим Садзе отримана промоция интерреґиионалней моноґрафиї „Коляди Русинох/Руснацох/Лемкох: писнї на чесц Рождества Исуса Христа” – троязичного капиталного проєкту Шветовей ради Руснацох/Русинох/Лемкох. Була то друга промоция тей кнїжки у нашей жеми, а орґанизаовали ю новосадски Городски одбор Рускей матки (ГО РМ) и РКЦ Нови Сад.
На промоциї о кнїжки бешедовали єден з авторох того проєкту проф. др Михайло Фейса и предсидателька ГО РМ Наташа Макаї Мудрох.
Состойна часц моноґрафиї и два мапа руских населєньох з 1906. року, на хторих зазначени шицки места з хторих коляди у кнїжки позберани, як и ДВД-диск, на хторим зняте автентичне шпиванє колядох, приказ крачунских обичайох, историят и подобне, а хтори под час промоциї у Новим Садзе емитовани прейґ видео-биму.