БЕОҐРАД – Вчера на Конференциї „Виволаня корпоративней дружтвеней одвичательносци: Як робя найлєпши?” державни секретар у Министерстве култури и информованя Саша Миркович виявел же приватизация медийох хтори у подполним лєбо часточним власнїцтве держави будзе запровадзена у термину хтори предвидзел закон.
Державни секретар сообщел факт же у нашей жеми у тей хвильки робя вецей як тисяч медиї – 110 телевизиї, 325 радио-станїци и вецей як 500 друковани медиї хтори видаваю вецей як 300 видавательни хижи.
Консолидация на тарґовищу медийох приоритет и єден є з найважнєйших факторох у ушорйованю медийного простора у Сербиї. После приватизациї медийох точно ше будзе знац хто власнїки медийох, а цали процес будзе закончени у зоз законом предвидзеним терминє.