БАЧКА ТОПОЛЯ/НОВЕ ОРАХОВО – У општини Бачкей Тополї и у тим школским року у двох основних школох предлужене виучованє руского язика як виборного предмету.
У ОШ „Чаки Лайош” у Бачкей Тополї на годзини руского язика уписани 16 школяре од першей по осму класу, а до першей класи уписани єден школяр. Годзини ше отримує вовторками од 11,30 до 13,15 годзин.
У ОШ „18. октобер” у Новим Орахове за виборну наставу руского язика ше опредзелєли 19 школяре од першей по осму класу, дзе штверо школяре у першей класи, а настава ту пиятками од 12, до 13,40 годзин. У обидвох школох годзини руского трима наставнїца Сенка Бенчик.
Вєдно, у цалей општини Бачка Тополя за руски язик як виборни предмет опредзелєли ше 35-еро школяре, котри розпоредзени до двох ґрупох. Попри настави, буду орґанизовац и рижни програми, алє и участвовац на манифестацийох Руснацох у наших местох.