РУСКИ КЕРЕСТУР – Штредню школу „Петро Кузмяк” вчера нащивели госци зоз Здруженя за Ментално нєдостаточно розвити особи (МНРО) „Белава птица” з Кули, з котрим керестурска Школа уж длугши час активно сотрудзує.
Особи з „Белавей птици”, зоз свою виховательку, дружтвовали зоз школярами з першей класи руского оддзелєня Ґимназиї и зоз штредньошколцами котри нащивюю православну виронауку, шпивали и рисовали свойо дланї на папер, як знак приятельства.
По словох педаґоґинї Школи Любици Няради, медзисобни нащиви зоз Здруженьом Школа пестує пре розвиванє гуманосци и емпатиї спрам розличних особох, як и пре їх цо лєпше интеґрованє до дружтва.
