РУСКИ КЕРЕСТУР – У керестурескей штреднєй школи нєшка буду госци представителє Здруженя „Плава птица” з Кули и Волонтерского центру Войводини.
Штредньошколцом 1. и 2. класи Ґимназиї на 9,30 годзин роботню з тему „Толеранция и прилапйованє розличносцох” отримаю двойо члени Здуженя за помоц ментално нєрозвитим особом „Плава птица” хтори маю даунов синдром, зоз свою виховательку, як часц свойого проєкту з истим меном.
Член Волонтерского центру Войводини Иван Канюх з Нового Саду школяром руских оддзелєньох Ґимназиї на 12,15 годзин отрима промоцию волонтерских кампох у рускей заєднїци, хтори того року буду у Руским Керестуре и Шидзе.