РУСКИ КЕРЕСТУР – У Основней школи „Петро Кузмяк” вчера шветочно орґанизовани приєм 37 будуцих першокласнїкох – терашнїх двох ґрупох дзецох котри закончую Предшколску пририхтуюцу програму у керестурским Оддзелєню „Цицибан” ПУ „Бамби”.
Будуцих першокласнїкох привитала директорка Школи Хелена Пашо Павлович и пожадала им щешлїве школованє, а учительки Мелания Рамач и Наталия Зазуляк их розподзелєли до своїх будуцих оддзелєньох, хтори пред тим оформела педаґоґийна служба Школи.
Школяре штвартей класи, котрих водзели спомнути учительки, своїм будуцим товаришом виведли кратшу програму, на хторей шпивали, рецитовали и танцовали, а потим и наймладши указали часточку того цо научели у дзецинскей заградки, зоз своїма виховательками Емилию Костич и Оленку Русковски.
