НОВИ САД – У ютрейшим ТВ Маґазину буду емитовани прилоги з мултиязичней театралней представи „Свадзба”, о активним жимским одпочивку, як и о конкурсу за нови шпиванки за Фестивал рускей култури „Червена ружа”.
Пририхтани и теми з польопривреди, дзе и звит зоз совитованя „Добри дзень, ґаздо” на Польопривредним факултету, а часц Маґазину пошвецена и Спортским бависком „Яша Баков” пред нову сезону и з новим руководительством.
Як кажду нєдзелю, ТВ Маґазин будзе емитовани на Другей програми РТВ на 20 годзин, а реприза такой на пондзелок вноци на 2 годзин и на штварток на 21,30 годзин (после емисиї „Добри вечар, Войводино).