КОЦУР – Вочи Велькей ноци всоботу, 27. априла у Подручней лиґи Суботица одбавене 23. коло у котрим коцурска „Искра“ госцовала у Баймоку зоз штвартопласовану екипу на таблїчки – „Раднички 1905“, котра мала лєм штири боди менєй як „Искра“, та тото змаганє тримане за дерби кола у Подручней лиґи Суботица. Коцурски фодбалере одбавели можебуц и найлєпше змаганє од початку ярнєй часци сезони и победзели зоз резултатом 3:1.
Ґол за „Искру“ на тим змаганю дали Радован Ґаґович 2 и Зоран Сердар.
После 23-ох одбавених колох „Искра“ на другим месце на таблїчки зоз 53 освоєнима бодами.
На нєдзелю „Искру“ у Коцуре очекує ище єдно дерби змаганє, понеже до госцох придзе трецопласована екипа „Пролетер“ зоз Равного Села котри ма лєм три боди менєй од „Искри“. Змаганє почнє на 17 годзин.