КОЦУР – У рамикох 20. кола Подручней лиґи Суботица ФК Искра зоз Коцура на домашнїм терену дочекала екипу ФК Будучносц зоз сушедного Савиного Села и обавела нєришено 2:2.
Будучносц по змаганє з Искру була остатня на таблїчки и очековало ше же коцурска екипа упише нови три боди. Медзитим, Искра нє одбавела на уровню зоз останїх трох колох и на концу щешлїво освоєла єден бод.
Ґоли за Искру на тим змаганю дали Дарко Николич и Дамян Колошняи.
После 20. одбавених колох Искра на 13. месце на таблїчки освоєла 19 боди, а шлїдуюце змаганє будзе бавиц у Змаєве процив ФК Обилич.
