РУСКИ КЕРЕСТУР – Школски одбор Основней и штреднєй школи з домом школярох „Петро Кузмяк” на вчерайшей схадзки за директорку Школи меновал Хелену Пашо Павлович, дотерашню окончовательку длужносци директора.
На Школским одборе, на хторим присуствовали 9 члени, констатоване же предходну согласносц на вибор за директора Хелена Пашо Павлович перше достала од Националного совиту Руснацох 10. фебруара того року, а потим и од Покраїнского секретарияту за образованє, предписаня, управу и национални меншини-национални заєднїци 5. марца.
З тима согласносцами сполнєти законски предписаня после конкурсу и вибору на Школским одборе, так же Хелена Пашо Павлович вчера менована за директорку на штиророчни мандат, хтори почнє на пондзелок, 16. марца.