НОВИ САД – Як оценюю фаховци з новосадского Институту за польодїлство и заградкартсво, цукрова цвикла у терашнєй фази добре випатра. Но, як гварел шеф Оддзелєня за цвиклу спомнутого институту др Живко Чурчич, и попри вигодних условийох, у тогорочней шатви цвикли було и почежкосци.
Насампредз визначел прешеванє цвикли пре дижджи, аж запори, як и пипу, хтора, окреме у Сриме, направела вельки чкоди.
Як спозорел Чурчич, тераз цвиклу треба охранїц од рамулариї, хтора заш лєм нє прави вельки чкоди, а зявела ше пре вельки и части дижджи, як и жимнєйшу хвилю.
Одкупна цена цвикли 35 еври за тону, а лєм у „Суноку” обчекую же того року випродукую коло 350 000 тони цукру, цо за 100 000 тони вецей од потребох Сербиї.