РУСКИ КЕРЕСТУР – У Провинцийним доме шестрох служебнїцох у Руским Керестуре од 23. по 25. октобер отримани духовни вежби за старших, з тему євангелского виреченя „Придзце ґу мнє шицки”.
На Духовних вежбох участвовали коло 10 жени, найвецей з Керестура, алє и з Кули, Червинки, Крущичу, Коцура и Вербасу.
Вежби водзели шестри, а през викладаня, медитациї, черанє искуствох и заєднїцку молитву, то була нагоди преглїбиц свой духовни живот. Єден дзень за духовну розгварку и споведз були на розполаганю и священїки – патер кармелитян Златко Жувела зоз Зомбора и домашнї капелан о. Михайло Шанта.
Як гварела ш. Мария, понеже вирни указую потребу за таку файту духовних стретнуцох, шестри их буду и надалєй орґанизовац, можебуц и частейше.