БЕЧ (АВСТРИЯ) – На 29. Европским змаганю у знаню о транспорту у Бечу школяре основних школох зоз Сербиї завжали штварте место у конкуренциї 21 жеми, сообщел Авто-мото союз Сербиї (АМСС).
Екипу школярох зоз Сербиї творели Александар Гарди з ОШ „Петефи Бриґада” з Кули, Вук Ґолубович з Омолїци, Миня Милованович з Кралєва и Александра Пантович з Беоґраду и лєм за єден бод им вимкла медаля.
Перше и друге место освоєли школяре з Русиї, а треце школяре з Летониї.
Гоч нє повторели прешлорочни успих, кед освоєли златну медалю, школяре зоз Сербиї указали вершинске знанє и схопносци, як побиднїки националного змаганя „Цо знаш о транспорту”, хтори АМСС традицийно орґанизує уж 46 роки.
Европске змаганє орґанизовали Шветова автомобилска федерация и Норвежска автомобилска федерация.