ВЕРБАС – Општина Вербас, єй цела и установи, шлїдуюцого тижня, од 4. по 10. октобер, орґанизую традицийну манифестацию Дзецински тидзень.
Того року манифестация ше отримує под мотом стихох писнї Дзецко поети Любивоя Ршумовича – Дзецко то дзецко, же бисце го любели и розумели.
З тей нагоди зашедал и Орґанизацийни одбор Дзецинского тижня у општини Вербас. Як сообщела заменїца предсидателя Општини Вербас Тияна Алексич после схадзки, и того року буду запровадзени числени активносци, театрални представи, роботнї, гуманитарни акциї и други програми, а буду розписани и подобово и литературни конкурси.