НОВИ САД – Мож ше приявиц за участвованє у акциї „Штредньошколци за штредньошколцох“, хтора будзе отримана 24. априла. Того дня школяре котри ше приявя буду робиц при одредзеному роботодавательови, а пенєж хтори би школяр заробел будзе уплацени до фонду „Штредньошколци за штредньошколцох“.
После того, школярски парламенти зоз своїма проєктами можу конкуровац до штредньошколского фонду за реализованє своїх идейох. Акцию орґанизує Уния штредньошколцох Сербиї, у рамикох медзинародного проєкту SAME.
Правни особи и школяре котри ше сцу уключиц до тогорочней акциї, можу ше приявиц на сайту www.srednjoskolci.org.rs , а подприємства, односно шицки правни и физични особи котри то жадаю, з донацию пенєжу до Фонду можу потримац штредньошколцох цали рок.