НОВИ САД – У Заводзе за културу войводянских Руснацох у Новим Садзе на ютре, 27. марца, будзе отворена вистави фотоґрафийох младей уметнїци з Руского Керестура Марияни Павлович. Виставу провадзи и кнїжка єй фотоґрафийох „Проблеми” („МАК”, 2014), у хторей часц фотоґрафийох хтори буду на вистави.
Отверанє вистави на 13 годзин, а на шветочносци з нагоди отвераня вистави, Завод означи и седемрочнїцу своєй роботи.
Тих дньох преробел и нови веб-портал Заводу за културу войводянских Руснацох, на адреси www.zavod.rs
Сайт будзе информативно-едукативного характеру, пошвидко на нїм буду обявени скенировани стари кнїжки и публикациї, дотерашнї виданя Заводу, а тераз на сайту уж обявени нотни записи тротомней публикациї „Червена ружа”, хтори мож и превжац.