БЕОҐРАД – Єден з найважнєйших сеґментох нєшкайше интернет-култури и найнащивенши интернетски портал, познати „Ютюб”, всоботу, 14. фебруара означел 10 роки постояня, понеже його домен реґистровани праве на тот датум. Основали го троме бувши роботнїки компаниї „Пейпал” 2005. року.
На тей огромней онлайн видео-платформи ше кажду минуту обяви аж 300 годзини видео-материялу шицких файтох – од музики и рижних интересантносцох, по висти, ТВ-емисиї, особни искуства и друге.
Нєшка скоро же нє постої слово хторе, кед ше го удурка, нє да даяки резултат, а „Ютюб” ше хаснує и за упутства як научиц рижни каждодньово потребни ствари, так же з першобутного забавного, за 10 роки постал свойофайтова платформа хтора на розлични способи повязує, инспирує и информує.
На „Ютюбу” єст и велї рижни знїмки Руснацох и о Руснацох.