БЕОҐРАД – Од того школского року першокласнїкох обчекує нови способ описного оценьованя за обовязни предмети, покля ше виборни будзе оценьовац як и дотераз, поведзене у Союзу учительох Сербиї.
– У дньовнїку, матичней кнїжки и школярскей кнїжочки за першу класу од 1. септембра оцени ше будзе евидентовац през уж дефиновани обласци за шицки обовязни предмети хтори у согласносци з предписанима Образовнима стандардами за конєц циклусу основного образованя, або з Наставну програму и то зоз знаком икс – гварели у Союзу учительох Сербиї за портал Городски биро.
У тим Союзу потвердзене же оцени за виборни предмети буду евидентовани як и дотераз – описно, односно з виреченьом хторе дефинує учитель.