СЕРБИЯ – Держава и продукователє би мали робиц на брендованю продуктох хтори би мали ознаку „националного ґеоґрафского походзеня”, препоручує Привредна комора Сербиї и як гваря у Комори, роби ше на олєгчованю процедури за доставанє статусу ґеоґрафского походзеня.
З таким статусом ше звекшує вредносц продукту на домашнїм и иножемним тарґовищу. У Сербиї таки продукти нєт вельо, а даєдни з нїх то сримски кулен, сврлїжски сир, футожска капуста, лесковацки айвар и ужицка палєнка.
Сертификат на продукту з ґеоґрафским походзеньом ґарантує трошительом же продукт єдинствена комбинация локалних природних ресурсох и традициї, знаня и схопносцох хтори ше на одредзеней териториї преноши з колєна на колєно.