СУБОТИЦА – Крачунска Служба Божа у Суботици отримана внєдзелю, 4. януара, у Францизканскей церкви, а служел керестурски парох о. Михайло Малацко. Службу зоз шпиваньом прикрашели члени Мишаного хору з Руского Кестура и шестри служебнїци.
О. Малацко подзековал франьовцом же оможлївели отримованє Служби Божей за грекокатолїкох, понеже ше нашо служби у тей церкви у Суботици, лєбо єй каплїчки, отримує од 2003. року. Домашнї монахи щиро привитали госцох у своїм штредку и за шицких пририхтали кратке друженє зоз закуску, а присутни могли опатриц и красни вертеп хтори за Крачун виложени у Францизканскей церкви.
Шлїдуюца Служба Божа за грекокатолїкох у Суботици будзе у порядним терминє, на нєдзелю, 28. януара на 16,30 годзин, у Францизканскей каплїчки.
