РУСКИ КЕРЕСТУР – У шветочней колони зоз своєй Штреднєй школи „Петро Кузмяк” вчера пред вечаром вишли 58 матуранти и прешпацирали ше през валал по ресторан „Червена ружа”, дзе преславели свой матурски вечар.
Матурантох провадзели їх класни старшинове, а того року жтредню школу у Керестуре закончую по 16 школяре у руским и сербским оддзелєню Ґимназиї и 26 у напряме Туристични технїчар.
Од 4. юния почню покладац матурски испити, а шветочне дзелєнє дипломох Школа планує 19. юния.
Шветочни вечар за маломатурантох будзе на стреду, 3. юния.
