РУСКИ КЕРЕСТУР – Вовторок, 16. юния, у керестурским хотаре спадли перши тогорочни одкоси пивского ярцу, вчера и статкового, а кед нє будзе дижджу, обсжнєйшу косидбу ярцу у керестурских задруґох обчекую концом того тижня.
Перши уражай, од коло 35 метери по гольту, з влагу 13,7 одсто, нагадує лєпши урожай ярцу як влонї, а тих дньох ма буц позната и цена пивского ярцу.
У керестурским хотаре под ярцом єст мало поверхносци – у „Юарбису” законтрачени коло 26 гектари, у подприємстве „Аґрохома” коло 10 гольти, так же то, як гваря фаховци, вироятно и найменши поверхносци у одношеню на скорейши роки.
У керестурским хотаре мєней пошате и жита, гваря фаховци, а кед хвиля будзе нормална, шатва жита найвироятнєйше почнє концом юния.