НОВИ САД – На нєдзелю у Телевизийним Маґазину буду емитовани прилоги зоз обидвох дньох 63. Фестивала рускей култури „Червена ружа” котри отримани 28. и 29. юния.
Тиж у Маґазину будзе приказане и як було на Християнским кампу за дзеци котри у церкви Успения Пресвятей Богородици почал стреду, 26. юния.
О стану коло образованя на мацеринским язику при Руснацох, як и други информациї з нашей заєднїци буду емитовани у Телевизийним маґазину на нєдзелю.
Телевизийни маґазин почина на нєдзелю 30. юния на 20 годзин. Репризу емисиї годно одпатриц тей истей ноци коло 2 рано, на пондзелок на 10:30 и на вовторок на 22 годзин.