РУСКИ КЕРЕСТУР – У Червеней сали Дома култури Руски Керестур внєдзелю вечар Лїляна Кирда вєдно зоз рецензентами проф. др Михайлом Фейсом и Мироном Джуньовим представела Керестурцом свою першу кнїжку поезиї „Ядроˮ.
У приємним розположеню и атмосфери котрей тон дала и Женска шпивацка ґрупа Дома култури зоз руководительку Еуфемию Планкош, керестурска публика могла лєм уживац. Шпивацку ґрупу на клавиру нє лєм же провадзел, алє зоз своїма бравурами и дополньовал їх виводзенє Владимир Малацко.
Дзекуюци школским товаришом котри потримали Кирдову и остарали ше помогнуц орґанизовац промоцию, вєдно зоз Руску Матку, присутни указали же би таки вечари могло орґанизовац и частейше.
