РУСКИ КЕРЕСТУР – Внєдзелю, 29. септембра у Служби Божей зоз духовнима шпиванками на пол дванастей наступел ансамбл „Барвинокˮ зоз Камюнки зоз Словацкей Републики.
Як визначел предсидатель Русинскей оброди и руководитель ансамблу, вони на тоти простори пришли на зашеданє Шветовей ради Руснацох/Русинох/Лемкох котра отримана у Петровцох, у Горватскей, як и на фестивал „Кед голубица лєцелаˮ. Од 2009. року сотрудзую зоз Руснацами у Войводини, та ше гваря же ше медзи нами чувствую як дома.
После наступу на служби, „Барвинокˮ ше представел и на манифестациї „Стретнуца валалох на Михалово лєтоˮ, котра истого дня пополадню, отримана у Руским Керестуре.
