3. ЯНУАР – На нєшкайши дзень народзени Янко Будински и Лела Дїтко, а створена и мрежа криптовалути биткоин.
1908 – Народзени Янко Будински (Руски Керестур, 3. януар 1908 – Руски Керестур, 1960), театрални аматер, сотруднїк Петра Ризнича Дядї. Цали роботни вик препровадзел у Друкарнї у Руским Керестуре. Бул єден oд сновательох Аматерского театра у Руским Керестуре. Янко Будински умар 1960. року.
1963 – Народзена Лела Дїтко (Вуковар, 3. януар 1963 – Вуковар, 15. фебруар 2020) активистка у културним живоце Руснацох. Основну школу закончела у Вуковаре, як и стредню економску, а Економски факултет закончела у Осєку. Робела як наставнїца у економскей школи у Вуковаре. Лела Дїтко була длугорочна предсидателька Ради рускей националней меншини Городу Вуковар, член предсидательства КУД Руснацох Осиєк и барз вредна активистка у културним живоце Руснацох. Лела Дїтко умарла 15. фебруара 2020. року у 58. року живота, у шпиталю у Осиєку.
2009 – Створена мрежа криптовалути биткоин (подскуп диґиталних валутох, алтернативних валутох и виртуалних валутох) кед Сатоши Накамото (псевдонимо за ґрупу програмерох) „вирударел” перши блок у ланцу.
