ЖАБЕЛЬ – На протестне шейтанє у Жаблю, хторе було всоботу 22. фебруара, пришли гражданє зоз шицких местох општини – зоз Жаблю, Чуроґу, Дюрдьова и Ґосподїнцох.
Протест почал зоз петнацминутову цихосцу, а после того, ше у колони рушело зоз крижаня драгох Николи Тесли и Святого Миколая и прешло през централни улїчки у Жаблю.
Окремну повагу прицагли Ґосподїнчанє хтори истого дня до Жаблю рушели пешо.
Сход обезпечовала транспортна милиция, а колону провадзели и трактористи и байкере.
