8. СЕПТЕМБЕР – Нєшка Медзинародни дзень писменосци и Медзинародни дзень физиотерапеутох.
1731 – Бачки епископ Висарион Павлович отворел у Новим Садзе латинско-славянску школу, хтора мала ранґ нїзшей реалней ґимназиї.
1841 – Народзел ше композитор и дириґент романтичней музики Антонїн Дворжак (Нелахозевес, нєшка Ческа, 8. септембер 1841 – Прага, 1. май 1904), успишно комбиновал народну музику зоз симфонийну и камерну музику, бул єден з творцох ческей националней школи.
1954 – Народзел ше Михал Лїкар (Дюрдьов, 8. септембер 1954 – Дюрдьов, 27. септембер 2021). Основну школу закончел у Дюрдьове, а стредню Машинску у Жаблю. Бул член тамбурового оркестра у КУД Тарас Шевченко. Осемдзешатих рокох прешлого вика почал компоновац и занїмац и зоз музичну педаґоґию. Основал дзецински оркестер, а опробовал ше и у розписованю аранжманох за тамбурово оркестри. По його аранжманох тамбурови оркестер РТВ Нови Сад на Ружовей заградки вецей роки виводзел нови композициї. Михал Лїкар ше упокоєл 27. септембра 2021. року, спочива на теметове у Дюрдьове.
Нєшка Медзинародни дзень писменосци (International Literacy Day). Преглашела го Орґанизация Зєдинєних нацийох за образовање, науку и културу (United Nations Educational, Scientific and Cultural Organization) УНЕСКО 1966. року.
Нєшка Медзинародни дзень физиотерапеутох.