НОВИ САД – У найновшим, 37. чишлє новинох „Руске слово” у рубрики Интермецо представена наша музичарка Ирина Олеяр музични педаґоґ у пензиї. На бокох Тижньовнїка текст о схадзки Националного совиту Руснацох, а колумну пише Александра Деянович.
На рубрики Нашо места написи о гуманитарним базару у Руским Керестуре, вареню котлїка хторе орґанизовал Коляк, стретнуцу наших людзох цо жию у Велсу у Австриї, садзену древкох на главней улїци у Вербаше. Боки Економиї пошвецени кукурици, ламачки и єй ценох.
На бокох Култура и просвита тексти о наиходзацей 20-рочнїци Саскачеванского дружтва рускей култури – Панонски Руснаци у облапеню канадскей прериї. У РКЦ у Новим Садзе почала сезона стретнуцох. Концом авґуста аматере Домa култури Руски Керестур наступели у Будви.
На бокох Людзе, роки, живот стретнуце зоз Марину и Жельком Колошняйовима зоз Канади. Духовни бок понука тексти о роботох у конкатедралней церкви у Новим Садзе, Малей матки Божей и 50 рокох монашеского живота Исусовей малей шестри Мартини зоз Руского Кересутра. На бокох Спорту мож пречитац о змаганьох хтори бавели фодбалере Искри, Русна, Бачки и ОФК Бачинци. А ту и тексти о малих фодбалетох и їх змаганьох.
Горуци тепши стандардна рубрика, дзе рецепт за пироги хтори послала Єлена Кухар зоз Дюрдьова. Додатки у тим чишлє Руске словечко, Мизаїк и Руснаци и швет.