25. ОКТОБЕР – Народзели ше композиторе Йохан Штраус и Жорж Бизе.
1806 – Народзел ше филозоф Каспар Шмит, познати як Макс Штирнер (Байройт, Баварска, 25. октобер 1806 – Берлин, Нємецка, 26. юний 1856), перши теоретичар анархизма.
1825 – Народзел ше композитор, дириґент и виолиниста Йохан Штраус младши (Беч, 25. октобер 1825 – Беч, 3. юних 1899), преславени яй краль валцерох, и єден з главних представнїкох класичней оперети, бул син Йохана Штрауса старшого. Студирал композицию, компоновал 168 валцери, 117 полки, марши, мазурки, ґалопи и 16 оперети. Окреме и нєшка популарни валцер На красним белавим Дунаю, Приповедки з Бечкого лєса, Царски валцер, Пицикато полка, Трич-трач полка…
1838 – Народзел ше композитор и пияниста Жорж Бизе (Париз, Французка, 25. октобер 1838 – Буживал, Французка 3. юний 1875), автор опери Кармен, ремек-дїла французкого музичного реализма.
1842 – Народзел ше священїк, публициста и историчар Димитриє Руварац (Стари Бановци, 25. октобер 1842 – Сримски Карловци, 16. децембер 1931), припаднїк критичного напряму у сербскей историоґрафиї.
1881 – Народзел ше маляр, скулптор, керамичар и декоратер Пабло Руиз Пикасо (Малаґа, Шпания, 25. октобер 1881 – Мужин, Французка, 8. април 1973), снователь кубизма.
Нешка Шветови дзень опери, хтори ше означує на дзень народзеня Жоржа Бизеа и Йохана Штрауса другого, композитора найпознатших оперох и оперетох.