РУСКИ КЕРЕСТУР – У парохиї св. оца Миколая у Руским Керестуре з нагоди швета св. Миколая, 26. новембра у церкви, по вечаршей Служби Божей почнє Дзевятнїца св. Миколайови.
Дводньова Духовна обнова будзе 6. и 7. децембра, а з нагоди Ювилейного року и пририхтованє за Крачунску споведз, хтора будзе на швето Непорочне Зачатиє 8. децембра.
Казательнїки буду францискан фра Петер Деже зоз Сурчину, а на нєдзелю, 7. децембра, о. Владимир Седлак, парох з Петровцох.
На каждей Служби годно ше висповедац и запричащац, а хто ма вецей як 65 роки годзен прияц и Святу тайну Олїва, котра за виздравенє души и цела. Олїво годзен достац и младши, кед за то ма потребу.
На парохиї, по 3. децембер ше мож приявиц и уплациц и пакецик од св. Миколая, по цени 800 динари.