РУСКИ КЕРЕСТУР – Кадети фодбалского клуба Русин одбавели першенствене стретнуце, пондзелок, 6. априла у Руским Керестуре на Ярашу, процив екипи ОФК Стари Ґрад зоз Бачкей Паланки и одбавели нєришено, а конєчни резултат стретнуца бул 1:1.
Ґол за екипу Русина дал Матей Макаї.
За екипу Русина бавели: Марко Драґутинович, Марко Колошняї, Лука Фа, Тони Орос, Алекс Цвайґ, Теодор Штранґар, Алекса Сопка, Андрей Чижмар, Давид Джуня, Матей Макаї и Марко Илич.
Русиново кадети одбавели ище єдно першенствене стретнуце, дзе пияток, 3. априла тиж у Руским Керестуре, бавели процив екипи Гайдука зоз Кули. Госци зоз Кули победзели, а резултат бул 2:3.
Ґоли за екипу Русина дали: Теодор Штранґар и Иван Планчак.
За екипу Русина бавели: Марко Драґутинович, Марко Колошняї, Лука Фа, Даниєл Надь, Тони Орос, Алекс Цвайґ, Теодор Штранґар, Алекса Сопка, Андрей Чижмар, Давид Джуня и Иван Планчак.
До бависка ище вошли Марко Илич и Матей Макаї.
Екипу на обидвох стретнуцох водзел Деян Йолич.
У идусим колу Кадетскей лиґи ПФС Зомбор, екипа Русина будзе бавиц на стреду, 8. априла у Сивцу, процив екипи Полету.
