РУСКИ КЕРЕСТУР – Матуранти Штреднєй школи „Петро Кузмяк” вчера вечар, 2. юния означели свой матурски вечар и зоз своїма професорами преславели законченє штирирочного школованя.
Вкупно 34 матуранти Ґимназиї „Петро Кузмяк” на руским и сербским язику, як и зоз напряму туристични технїчар, вчера вечар зоз своїма оддзелєнскима старшинами Анико Войчена, Лїляну Рудакиєвич и Татяну Бучко Рац остатнїраз вєдно вишли зоз керестурскей школи.
У присустве директорки школи Наталиї Будински, наставнїкох як и числених родичох и пайташох, матуранти ше прешпацирали по центер валалу одкаль пошли на вешелє до готелу „Родич” до Кули.