МЕДЗИЛАБОРЦИ (СЛОВАЦКА РЕПУБЛИКА ) – Oд 12. по 16. юний будзе означена 35-рочнїца иснованя и роботи Шветового конґресу Русинох/Руснацох/Лемкох (РРЛ).
У рамикох означованя рочнїци Конґреса РРЛ орґанизовани и шлїдуюци змисти: розгварка зоз учашнїками 1. Шветового конґресу, хтори бул отримани у Медзилаборцох, Наукова конференция Русини у Европи, вистава фотоґрафийох зоз 18 Шветових конґресох, вистава русинскей литератури, шветочна културно-уметнїцка програма, представянє и проєкция цаловечаршого филма Потоп, зашеданє Шветовей ради РРЛ, русинска литурґия.
У плану и орґанизованє нащиви Музею Ендия Воргола, а на Науковей конференциї Русини у Европи проф. др Михайло Фейса будзе викладац на тему „Наукова димензия шветових конґресох РРЛ”.