НОВИ САД – Стална постановка Музею Войводини Войводина од палеолиту до конца 19. вику од штвартку, 16. юлия будзе заварта за нащивительох, сообщене зоз Музею Войводини.
Постановка будзе заварта пре пририхтуюци роботи за реконструкцию централного будинку Музею у Дунайскей 35.
У сообщеню пише же Музей Войводини предлужує орґанизовац тематски змисти за публику, едукативни програми, преподаваня, концерти. У обєкту у Дунайскей 37 єст стални постановки Войводина у Першей и Другей шветовей войни.
Пририхтує ше и єшеньску сезону и пририхтує ше вистави о Светозарови Милетичови, Червеним кружу и вистава о историї пиварства у Войводини, а госцовац будзе и авторска вистава фотоґрафийох монаха Теодосия Богородицова заградка, стої у сообщеню.