НОВИ САД – Город Нови Сад обезпечел безплатни комплети учебнїкох шицким школяром у основних школох од першей по осму класу.
Нови школски рок у Новим Садзе почнє зоз безплатнима учебнїками хтори обезпечени шицким основцом. Тота инициятива, облапя вецей як 32 тисячи школярох, олєгчанє є за буджет родичом и оможлївює же би кажди школяр мал нєобходни материял за ученє од першого дня.
Окрем учебнїкох увага пошвецена и на обнавяню будинкох школох. Под час лєтного одпочивку, роботи ше одвивали у аж 18 школох на териториї городу, дзе оправяни електрични инсталациї, и окончене векше лєбо менше оправянє и обнавянє будинкох.
Предсидатель Активу директорох основних школох у Новим Садзе Петар Наранджич, госцуюци у емисиї Ризгляднїци на РТВ1 потолковал же комплети учебнїкох сцигую до школох и рихтаю ше комплети хтори превежню школяре, лєбо їх родичи. Вон ище гварел же тота мира хтору запровадзел Город Нови Сад оможлївює каждому дзецку, без огляду на социялни статус, єднаки приступ ґу образованю. Наранджич ище потвердзел же у шицки школох буду закончени роботи на час.