14. СЕПТЕМБЕР – Нєшка Дзень пралєсох.
1849 – Народзел ше лїкар и науковец Иван Петрович Павлов (Рзань, Русия, 14. септембер 1849 – Ленїнґрад, Совєтски Союз, 27. фебруар 1936). Руководзел Оддзелєньом за физиолоґию на Институту за експерименталну медицину у Санкт Петербурґу (Ленїнґрад) и добитнїк є Нобеловей награди за медицину 1904. року. Його теория о условних рефлексох, уплївовала на вецей науково дисциплини, окреме на психолоґию, психиятрию и медицину.
1959 – Совєтска вселенска ладя Луна 2 постала перша, котра ше спущела на Мешац.
1960 – Основана Орґанизация жемох вивознїцох нафти – ОПЕК.
2003 – На референдуме у Шведскей гражданє ше вияшнєли процив приключеня тей жеми ґу европскей монетарней униї.
2003 – После 11 рокох претаргнуца пре санкциї Союзней Републики Югославиї, ознова запровадзена директна авионска линия Беоґрад-Нюйорк-Беоґрад.
Медзинародни дзень пралєсох настал як заєднїцка еколоґийна инициятива реґионалних нєвладових орґанизацийох за защиту природи и националних паркох.