КУЛА – Фестивал фолклорних традицийох Войводини, Панонски вашар, пошвецени очуваню и промоциї народней традициї и културного скарбу Войводини, будзе отримани того викенду, 19. и 20. септембра у Кули.
Нащивителє, през тоти два днї, годни уживац у танцу, шпиванки, рижнородним народним облєчиве и представяню старих обичайох.
Орґанизаторе, з тей нагоди, поволую шицких же би зоз своїм присуством були часц того збуваня на славу традициї, култури и панонскому духу.