КУЛА – Предсидателька општини Кула др Весна Томич зоз министерку защити животного штредку у технїчним мандату Сару Павков подписала контракти зоз хторима Општини Кула додзелєни средства за реализацию двох проєктох у 2026. року.
Средства обезпечени прейґ другей явней поволанки Министерства за защиту животного штредку, у рамикох хторей за 20 городи и општини у Сербиї видвоєне вкупно 445 милиони динари за злєпшанє системи за управянє зоз шмецом и одрутнима водами, як и за други проєкти зоз обласци животного штредку.
Општина Кула достала потримовку за проєкт ожелєньованя, чий циль защита и очуванє предїлного диверзитета и жеми як драгоциного ресурсу, як и за проєкт вибудови и ушореня системи за управянє зоз шмецом и одрутнима водами.
Предсидателька општини Кула др Весна Томич визначела же достати средства значни за дальше злєпшанє комуналней инфраструктури и очуванє животного штредку.