БЕОҐРАД – По Роковнїку за окончованє виберанкових роботох у поступку нєпоштредних виберанкох за членох националних совитох националних меншинох котри буду отримани 8. новембра, поднєсц лїстини котри буду участвовац на виберанкох мож найпознєйше 23. октобра.
Най здогаднєме, Републична виберанкова потераз преглашела три лїстини котри буду участвовац на виберанкох за Национални совит рускей националней меншини. Под числом єден, 4. октобра преглашена лїстина „Руснаци вєдно”, под числом два, 8. октобра лїстина „Щиро за Рускинї и Руснацох – проф. др Михайло Фейса”, и под числом три, 9. октобра лїстину „На габи пременкох”.