КОЦУР – Позарядово парламентарни виберанки у Коцуре и далєй преходза без инцидентох.
По 12 годзин на виберацким месце 27 у правим голу Основней школи „Братство єдинство” гласали 400 гласаче од вкупно 834, односно 48 одсто, у Малей сали Месней заєднїци на виберацким месце 28 гласали 303 од вкупно 865 гласачох, односно 35 одсто. На виберацким месце 29 у лївим голу Основней школи по 12 годзин гласали 440 од вкупно 800 гласачох, односно 55 одсто, а у Велькей сали Месней заєднїци на виберацким месце 30 гласали 417 од 899 гласачох, односно 46 одсто.
У Коцуре на штирох виберацких местох гласа вкупно 3398 валалчанох, а до поладня гласали 1560 гласаче, односно зазначена виходносц од 46 одсто.
По нєурядових информацийох, у Вербаше на вецей виберацких местох по 12 годзин гласала половка уписаних гласачох.
На уровню цалей општини Вербас, спрам информацийох Општинскей виберанковей комисиї, по 12 годзин зазначена виходносц од 47 одсто од вкупного числа гласачох.
