СРИМСКА МИТРОВИЦА – Пияток, 18. децембра, у Ґалериї „Лазар Возаревич” у Сримскей Митровици отворена вистава малюнкох и голоґрамох з назву „Владимир Вельки – креститель України-Руси”.
Виставу организовала Амбасада України и Город Сримска Митровица, як памтку на пейцрочнїцу братоменя Тернополю з України и Сримскей Митровици.
Виставу отворели амбасадор України у Сербиї Олександр Александрович и представитель городоначалнїка Сримскей Митровици Зоран Мишчевич, док парох сримскомитровицки о. Владислав Варга присутних упознал з дїлом св. Владимира, як барз значней особи за шицких християнох. Здогаднул же того року означена тисяч рочнїцайого шмерци.
Оригинална вистава ма 250 предмети, а до Сербиї принєшени 22 малюнки и уникатни голограми на хторих мож видзиц предмети пред християнством у Києвскей Руси.
На отвераню вистави шпивала шпивацка група домашнього ДНУК „Коломейка”.