КОЦУР – Културно-просвитне дружтво „ДОК” з Коцура з нагоди своєй традицийней манифестациї „Велька ноц” розписало Медзинародни литературни конкурс з духовнеу тематику „Од Благовищеня по Квитну нєдзелю”. Конкурс тирва од 7. по 24. април.
Найлєпши роботи буду преглашени, обявени у 20. чишлє часопису за културу „Ерато над Куцуром/Коцуром” и, спрам можлївосцох, наградзени на манифестациї „Велька ноц”, хтора будзе 1. мая. Манифестация того року пошвецена 240-рочнїци снованя грекокатолїцкей парохиї у Коцуре.
Роботи мож посилац на е- адресу fejsam@gmail.com лєбо на Дом култури Коцур, Ошлєбодзеня 9, з назначеньом „За духовни литературни конкурс”.
Роботи мож посилац на сербским и руским язику, а можу буц и на мадярским, з прекладом на сербски, лєбо руски. За подробнєйши информациї мож контактовац проф. др Михайла Фейсу на тел.: 062 590 341.