НОВИ САД – У ютрейшим ТВ Маґазину будзе емитовани звит з дзевятей порядней схадзки Националного совиту Руснацох, а тиж и зоз схадзки Орґанизацийного одбору „Костельниковей єшенї”.
З польопривреди пририхтани прилоги о продукциї орехох и шатви жита, а будзе емитовани и прилог о нащиви делеґациї з України Вербасу.
Такой по ТВ Маґазину, на 21 годзин будзе емисия „Широки план”, пошвецена 70-рочнїци постояня нєшкайшого Руского културного центру у Новим Садзе, о чим будзе слова з госцами у студию.
Реприза ТВ Маґазину будзе такой на пондзелок вноци на 2 г. и на штварток на 21,30 г. (после емисиї „Добри вечар, Войводино”).
Реприза „Широкого плану” будзе на пондзелок на 9 и на соботу на 16 годзин.