Бачка одбавела нєришено

автор Л. Вереш
428 Опатрене

ДЮРДЬОВ – У 3. колу Подручней фодбалскей лиґи Нови Сад, хторе одбавене 27. авґуста, фодбалере ФК Бачка 1923 зоз Дюрдьова бавели нєришено у стретнуцу зоз фодбалерами Сириґа, зоз резултатом 1:1.

Перши ґол на стретнуцу бул за Бачку, у 40. минути, цо дюрдьовским фодбалером дало мотивацию же би у другим полчаше лєпше бавели.

У другим полчаше госци зоз Сириґу бавели вельо лєпше. Мали вецей добри нагоди потрафиц ґол, алє их нє вихасновали. Шицко випатрало же Дюрдьовчанє тото стретнуце законча як побиднїки, алє при концу стретнуца, у другей минути предлуженя, лабда закончела у бачковим ґолу.

Вельке число жовтих картонох на стретнуцу, аж штири за фодбалерох Бачки, указую же на терену нє було спортского справованя.

После того кола Бачка на дванастим месце зоз двома бодами. У шлїдуюцим колу дюрдьовски фодбалере ше стретню зоз фодбалерами Петроварадина.

ПОВЯЗАНИ ТЕКСТИ