Дюрдьовчанє страцели у Буковцу

автор Л. Вереш
380 Опатрене

БУКОВАЦ – У 9. колу Подручней фодбалскей лиґи Нови Сад, хторе одбавене 7. октобра у Буковцу, фодбалере ФК „Бачка 1923” зоз Дюрдьова страцели у стретнуцу зоз фодбалерами ФК „Фрушкоґорски партизан”, зоз резултатом 2:0.

Перши ґол на стретнуцу дали фодбалере зоз Буковцу у 38. минути. До другого полчасу домашнї фодбалере вошли сиґурнєйше як Дюрдьовчанє. Свой други ґол Буковчанє посцигли у 59. минути. Дюрдьовчанє ше намагали посцигнуц ґол на тим стретнуцу, алє кажда можлївосц остала нєвихаснована.

После того кола Бачка на єденастим месце на таблїчки, зоз дзевец бодами. У шлїдуюцим колу дюрдьовски фодбалере на домашнїм терену дочекаю екипу ФК „Червена гвизда” з Нового Саду.

ПОВЯЗАНИ ТЕКСТИ