КОЦУР – Вельке количество шнїгу предходних дньох прекрило и улїчки и драги у Коцуре. На перши завод, транспорт бул очежани, понеже ше улїчки розчисцовало по приоритету.
Локални драги за чию преходносц су и задлужени чисцели роботнїки Жимскей служби ЯКП Комуналєц Вербас, док за драги у напряме Вербасу, як и Савиного Села задлужене Подприємство Бачкапут. Под инґеренцию Жимскей служби и драга Коцур – Змаєво.
У розчисцованю шнїгу зоз драгох и того року були уключени члени Добродзечного огньогасного дружтва Коцур, та векша часц валалских драгох добрей преходносци.
За розчисцованє шнїгу зоз дражкох задлужени валалчанє.
