ЖАБЕЛЬ – Други Фестивал ремеселнїцкого пива „Craft beer fest” отримани прешлого викенду у Жаблю.
Манифестацию отворел предсидатель Туристичней орґанизациї општини Жабель Серґей Запорожац, хтори гварел же то манифестация чию ше традицию предлужи и у бдучносци.
За два днї отримованя фестивалу були орґанизовани богати музични програми и рижни змаганя на хторих участвовали нащивителє.
На фестивалу ше представели велї пивари, хтори понукали рижнородни смаки и стили крафт пива. Нащивителє могли коштовац традицийни и експериментални пива, упознац ше зоз пивару и дознац вецей о процесу наставаня пива.
Провадзаци програми и музични наступи, океме наступ познатого ЕХ-Ю бенду ,,Червене яблуко”, направели забавну атмосферу шицким присутним.