ДЮРДЬОВ – Tрадицийни 21. Фестивал жридлового шпиваня „Най ше нє забудзе”, будзе отримани на соботу, 17. авґуста, на 20 годин у школским дворе Основней школи „Йован Йованович Змай” у Дюрдьове.
Истого дня у Рускей школи на 18 годзин будзе отворена вистава.
Пропозициї Фестивала и того року остали исти – кажда шпивацка ґрупа одшпива по два цо старши жридлово шпиванки, єдну а капела, а другу зоз провадзеньом оркестра.
Учашнїком буду додзелєни два награди – награда жирия и специялна награда за цалосни наступ.
Кажде дружтво достанє и дарунок як памятку за свой наступ у Дюрдьове.